Grumbiere ned newe de Zwiwwele
So sagt ma
Oder Äpfel ned newer de Banane
Oder Oronsche
Weil Äpfel und Zwiwwele Ethylen ausdienschde dun
Und deswege steht ma als Demokrat
Ned nebe, hinner oder vor
De Nazis von de AfD
Sondern man geht
Weg von denne
Grießd die noned emol
So wie ma Äpfel und anneres Obschd
Oder Grumbiere un Zwiwwele
Mit großem Abstand lagert
So haltet ma Abstand
Zu de Nazis und annere Rechtsexdreme
Oder baut halt e Brandmauer
Wie ma so sagt in unsere Demokratie
Weil die dünschde
Faschismus aus
Un so, wie Ethylen Grumbiere faule lassd
So lasst* Ausdienschdung vom Faschismus
Annere Parteie un am End
D’Demokratie faule.
Un ma fangt ned o, dere ihre Ziele
Zu seine eigene zu mache
Weil ma denkt, dass die Leid
Die die wähle, des dann nemme wähle dun
Sondern dasse so bled sin
Und dann oinen selber wähle.
So isch‘s ned
Sondern es isch so:
Dass ma dodemit dene ihre Ziele
Normalisiert
Also am End sagt
Des was die sage,
des isch normal
Un deswege kenne Mir das a sage
Aber des isch falsch
A wenn des de Kanzler und sei ganze
Entourage denkd – und machd
Des was die sage
Des isch ebbe ned normal
Un deswege isch praktisch alles
Was die sage und was die welle
fir alle normale Leid
Rundum abzulehne
Vielleicht sollte ma
Die, die mit dene in oinere Partei sin
Die des Nazizeigs normalisiere
(als Zeh Deh Uh vor allem)
Oifach nemme wähle
Weil: vor 1933 isch des
Schon emol bassiert
Was draus gworre isch
Wisse mer alle.
Oimal dausend Johr
lange fir alle Ewichkait
